ໃນ​ລະຫວ່າງ​ວັນ​ທີ 2-5 ກັນຍາ 2019 ນີ້ ເມືອງ​ສາລະ​ວັນ ໄດ້ມີການມອບ – ຮັບ ເຄື່ອງບໍລິຈາກ ແລະ ລົງຊ່ວຍເຫຼືອຜູ້ປະສົບໄພນໍ້າຖ້ວມ​.

ໃນ​ລະຫວ່າງ​ວັນ​ທີ 2-5 ກັນຍາ 2019 ນີ້ ເມືອງ​ສາລະ​ວັນ ໄດ້ມີ​ຜົນ​ກະທົບຈາກ​ໄພ​ນ້ຳ​ຖ້ວມໃນຄັ້ງນີ້ ຢ່າງໜັກໜ່ວງ . ​​ຍ້ອນ​ວ່າ​ມີ​ຝົນຕົກ​ແຮງ​ມາຫຼາຍວັນ ​ເຮັດ​ໃຫ້​ເກີດມີນ້ຳຖ້ວມ ​ບ້ານ,ເຮືອນ ຂອງ​ພໍ່​ແມ່​ປະຊາຊົນ​ຢູ່ ​ເມືອງ​ສາລະ​ວັນ. ລວມທັງໝົດ 93 ບ້ານ ,​ໃນນີ້ມີ​ບ້ານ​ທີ່​ຖ້ວມໜັກ ມີຈຳນວນ42ບ້ານ. ​ເຮັດ​ໃຫ້​ຊັບ​ສິນ,​ເງິນ​,ຄຳ,​ເຂົ້າຂອງ​ເຄື່ອງ​ໃຊ້​ໄຫຼໄປນຳນ້ຳໝົດ, ສັດລຽ້ງ ປະ​ເພດ ງົວ, ຄວາຍ ຕາຍເປັນຈຳນວນຫຼວງຫຼາຍ. ບາງ​ຄອບຄົວບໍ່ມີ ເສື້ອ​ຜ້າ,​ ເຄື່ອງ​ໃຊ້​​ສອຍ​ຕ່າງໆ ປະຊາຊົນໄດ້ມີຄວາມໂສກເສົ້າ-ເສຍໃຈ ຕໍ່ເຫດການດັ່ງກ່າວ.

ເຖິງ​ວ່າ ເມືອງສາລະວັນ ຈະໄດ້ຮັບຜົນກະທົບຢ່າງໄຫຍ່ຫຼວງ ແຕ່ກໍ່ໄດ້ຮັບການເອົາໃຈໄສ່ ເບິ່ງແຍງ ຈາກການນຳ ພັກ-ລັດ, ການ​ນຳ​ຂັ້ນ​ແຂວງ , ຂັ້ນເມືອງ ​ແລະ ​ໄດ້​ຮັບ​ການ​ຊ່ວຍ​ເຫຼືອຈາກ ການນຳ​ແຕ່​ລະ​ພາກສ່ວນ​ ກໍ່ຄື: ​ຕ່າງ​ເມືອງ, ຕ່າງ​ແຂວງ, ບໍລິສັດ, ຮ້າງຮ້ານ ແລະ ບ້ານທີ່ບໍ່ໄດ້ຮັບຜົນກະທົບ ເພື່ອເປັນການແບ່ງເບົາບັນເທົາທຸກ ໄຫ້ຜູ້ປະສົບໄພນ້ຳຖ້ວຍ ໃນຄັ້ງນີ້. ມາຮອດ ​ວັນ​ທີ 6-9 ກັນຍາ 2019 ​ການນຳຂອງ​ເມືອງ​ ​ໄດ້​ລົງມອບເຄື່ອງ ​ຊ່ວຍເຫຼືອ ໄຫ້ບ້ານ ໄດ້ ຈຳນວນ 45 ບ້ານ ແລະ ຍັງໄດ້ສືບຕໍ່ລົງມອບເຄື່ອງຊ່ວຍເຫຼືອຜູ້ປະສົບໄພພິບັດຄັ້ງນີ້ຈົນສຳເລັດ.

Leave a Reply

Your email address will not be published. Required fields are marked *