​ເມືອງ​ສາລະ​ວັນ ດຳ​ເນີນ​ຊີວິດ​ການ​ເມືອງ​ໃຫ້​ແກ່​ພະນັກງານ​ລັດຖະກອນ​ຄູ​ ກ່ອນ​ໄຂ​ສົກຮຽນ​ໄໝ່

 

​ໃນ​ວັນ​ທີ 14 ສິງຫາ 2019 ນີ້ ຢູ່​ທີ່​ສະ​ໂມ​ສອນ ມສ ອົງ​ແກ້ວ ​ເມືອງ ​ແລະ ​ແຂວງ​ສາລະ​ວັນ. ​ໄດ້​ເປີດ​ບັ້ນດຳ​ເນີນ​ຊີວິດ​ການ​ເມືອງ​ໃຫ້​ແກ່​ພະນັກງານ ​- ລັດຖະກອນ​ຄູ​​ໃນ​ທົ່ວ​ເມືອງ. ​ໂດຍ​ໃຫ້ກຽດ​ເປັນ ​ປະ​ທານ ​ຂອງ​ ທ່ານ ໜູຄຳ ສີສະຫວັດ ກຳມະການ​ພັກ​​ເມືອງ ຫົວໜ້າຫ້ອງ​ການ​ສຶກສາ ​ແລະ ກິລາ ​ເມືອງ​ສາລະ​ວັນ ມີພະນັກງານ​ຄູ​ອາຈານ​ທົ່ວ​ເມື​ອງສາລະ​ວັນ ​ເຂົ້າຮ່ວມ 889 ທ່ານ, ຍິງ 509 ທ່ານ.

ໃນການດຳເນີນຊີວິດການເມືອງ ໃນຄັ້ງນີ້ ຜູ້ເຂົ້າຮ່ວມຈະໄດ້ຮຽນຮູ້ – ເຊື່ອມຊຶມ ບັນດາເອກກະສານສຳຄັນ ​ເພື່ອ​ຍົກ​ລະດັບ​ຄວາມ​ຮູ້​ທາງດ້ານ​ການ​​ເມືອ​ງ​ແນວ​ຄິດ​ຂອງ​ຄູ​ອາຈານ​ໃຫ້​ມີຄວາມໜັກ​ແໜ້ນ ​ແລະ ຮັບປະກັນ​ທາງ​ດ້ານ​ວິຊາ​ສະ​ເພາະ ​ກໍ່ຄື ຄຸນ​ນະພາ​ບ​ໃນ​ດ້ານ​ການ​ຮຽນ – ການ​ສອນ​ຂອງ​ສົກ​ຮຽນ​ໃໝ່ປີ 2019-2020 ທີ່​ຈະ​ໄຂ​ຂື້ນ​​ມໍ່ໆ​ນີ້.

 

 

Leave a Reply

Your email address will not be published. Required fields are marked *