ເມືອງ​ສາລະ​ວັນ ມອບ-​ຮັບ​ ຕຶກປະສູດ​ສຸກ​ສາລາ​ບຶງ​ໃຊ

 

​ໃນ​ວັນ​ທີ 14 ສິງຫາ 2019 ນີ້. ຢູ່​ທີ່​ບ້ານ​ບຶງ​ໃຊ ​ເມືອງ ​ແລະ ​ແຂວງສາລະ​ວັນ, ​ໄດ້​ຈັດ​ພິທີມອບ-​ຮັບ ຕຶກ​ປະສູດ​ຫຼັງ​ໄໝ່. ​ໂດຍ​ໃຫ້ກຽດກ່າວມອບ​ຂອງ​ ທ່ານ ດຣ ສັນຍາ ວັດ​ທະ​ນາ​ກູນ ຕ່າງໜ້າອົງການ​ແພຣນສາກົນ​ປະຈຳ​ລາວ ​ແລະ ກ່າວ​ຮັບ​ຂອງ​ ທ່ານ​ ນາງ ນວນ​ໃສ ​ແກ້ວ​ເມກ ຮອງ​ເຈົ້າ​ເມືອງ​ສາລະ​ວັນ ຜູ້​ຊີ້ນຳ​ວຽກງານວັດທະນະທຳສັງຄົມ ​ແລະ ມ​ອບຕໍ່ອຳ​ນາດ​ການ​ປົກຄອງ​ ບ້ານບຶງ​ໃຊ ກໍ່ຄື​ພະນັກງານ​ແພດ​ປະຈຳ​ຢູ່​ສຸກສາລາ​ບຶງ​ໃຊ. ມີ​ພາກສ່ວນ​ກ່ຽວຂ້ອງ ​ແລະ ​ແຂກ​ຖືກ​ເຊີນ​ເຂົ້າຮ່ວມ​ຢ່າງ​ພ້ອມພຽງ.

ຕຶກ​ປະສູດ​ຫຼັງ​ໃໝ່ນີ້. ​ໄດ້​ສ້າງຕໍ່ຈາກ​ສຸກສາລາຫຼັງ​ເກົ່າ ​ເປັນ​ຕຶກ​ຊັ້ນດຽວ ມີ​ຂະໜາດ 18 m x 6 m ປະກອບ​ມີ 3 ຫ້ອງ​ຄື: ຫ້ອງກຽມປະສູດ, ຫ້ອງ​ປະສູດ ​ແລະ ຫ້ອງ​ຫຼັງປະສູດ ລວມມູນ​ຄ່າ 294 ລ້ານ​ກ່ວາ​ກີບ, ​ໂດຍ​ແມ່ນ​ອົງການ ​ແພຣນສາກົນ​ປະຈຳ​ລາວ​ ເປັນ​ຜູ້​ໃຫ້​ທືນຊ່ວຍ​ເຫຼືອລ້າ, ​​ເຊິ່ງ​ແມ່ນ ​ບໍລິສັດ​ໃບ​ບົວກໍ່ສ້າງ​ຈຳກັດ​ຜູ້ດຽວ ​ເປັນ​ຜູ້​ຮັບ​ເໝົາ ​ແລະ ​ໃຊ້​ເວລາ​ກໍ່ສ້າງ 5 ​ເດື​ອນ ຄື: ​ເລີ່​ມ​ແຕ່​ເດືອນ​ກຸມພາ ​ເຖິງ ​ເດືອນມິຖຸນາ 2019. ສຸກສາລາ​​ ບ້ານ​ບື​ງ​ໃຊ ມີ​ເຂດ​ປົກ​ຄອງ 11 ບ້ານ ມີ​ພົນລະ​ເມືອງ​ເກືອບ 10 ພັນ​ກ່ວາ​ຄົນ ທີ່​ໃຊ້​ບໍລິການ​ຢູ່​ສຸກສາລາ​ແຫ່ງ​ນີ້.

Leave a Reply

Your email address will not be published. Required fields are marked *