ມູນ​ນິທິ ​ສ ເກົາຫຼີປະຈຳ​ລາວ ມອບ​ອຸປະກອນ​ການ​ແພດ ​ແລະ ​ເຄື່ອງ​ຮັບໃຊ້​ຫ້ອງການ​​ໃຫ້​ແກ່​ເມືອງ​ສາລະ​ວັນ

​ໃນ​ວັນ​ທີ 13 ສິງຫາ 2019 ນີ້. ຢູ່​ທີ່​ສະ​​ໂມ​ສອນ​ເມືອງ​ສາລະ​ວັນ​ ທ່ານ ​ແບກ​ຊອງ​ຢອງ ປະທານ​ມູນ​​ນິທິ​ ສ ເກົາຫຼີປະຈຳ ສປປ ລາວ. ​ໄດ້​ນຳ​ເອົາ​ຢາ​ປົວ​ພະຍາດ, ອຸປະກອນ​ການ​ແພດ ​ແລ​ະ​ເຄື່ອງ​ຮັບໃຊ້​ຫ້ອງການ ມາ​ມອບ​ໃຫ້​ແກ່​ເມືອງ ​ແລ​ະ ​ແຂວງສາລະ​ວັນ. ​ໂດຍ​ໃຫ້ກຽດກ່າວ​ຮັບ​ຂອງ​ທ່ານ ທຶງ ຈອມ​ມະນີ ຄະນະ​ປະຈຳ​ພັກ​ແຂວງ ​ເລຂາ​ພັກ​ເມືອງ ​ເຈົ້າ​ເມືອງ​ສາລະ​ວັນ, ມີ​ພາກສ່ວນ​ກ່ຽວຂ້ອງ ​ແລະ ​ແຂກ​ທີ່​ຖືກ​​ເຊີນ​ເຂົ້າຮ່ວມ​ຢ່າງ​ພ້ອມພຽງ.

ຢາ​ບົວ​ພະຍາດ, ອຸປະກອນ​ການ​ແພດ ​ແລ​ະ ​ເຄື່ອງຮັບໃຊ້​ຫ້ອງການ​ທີ່​ນຳ​ມາ​ມອບ​ໃນ​ຄັ້ງນີ້ ລວມມູນ​ຄ່າ​ 150.000 ​ໂດ​ລາ​ອາ​ເມຣິກາ ຫຼື ປະມານ 1 ຕື້ກ່ວາ​ກີບ. ​ເຊິ່ງທາງ​ເມືອງ​ສາລະ​ວັນ ຈະ​ໄດ້​ນຳ​ໄປ​ມອບ​ໃຫ້​ແກ່​ສຸກສາລາ​ຈຳນວນ 13 ​ແຫ່ງ, ທີ່​ຍັງມີ​ຄວາມ​ຈຳ​ເປັນ​ໃນ​ການ​ນຳ​ໃຊ້​ຢາ​ປົວ​ພະຍາດ, ອຸປະກອນ​ການ​ແພດ ​ແລະ ​ເຄື່ອງ​ຮັບໃຊ້​ຫ້​ອງການທີ່​ຈະ​ໄດ້​ນຳ​ໃຊ້​ເຂົ້າ​ໃນ​ການບໍລິ​ການພໍ່​ແມ່​ປະຊາຊົນ​ກໍ່ຄື​ຄົນ​ເຈັບ​ມາ​ຮັບ​ໃຊ້​ບໍລິ​ການ​ຢູ່​ສຸກສາລາ​ ທົ່ວ​ເມືອງສາລະ​ວັນມີ 124 ບ້ານ​.ການ​ປົກຄອງ ມີ 183 ບ້ານວິຊາ​ການ ມີ​ພົນລະ​ເມືອງ 110.439 ຄົນ ​ແລະ ມີ 152 ບ້ານ​ທີ່​ມາ​ໃຊ້​ບໍລິການ​ຂັ້ນພື້ນຖາ​ນ​ໃນ 13 ສຸກ​ສາລາ.

Leave a Reply

Your email address will not be published. Required fields are marked *