ກອງປະຊຸມເຜີຍແຜ່ຄຳແນະນຳ ແລະ ທາບທາມຮ່າງລະບຽບບ້ານ 3 ບ້ານ. ສະໂປນ,ນາໄຊ ແລະ ບ້ານກະຊະໃຫຍ່.

ໃນລະຫວ່າງວັນທີ 14-15 ສິງຫາ 2019 ອົງການປົກຄອງເມືອງ ໄດ້ລົງເຄື່ອນໄຫວເຮັດວຽກ ກັບ ອຳນາດການປົກຄອງບ້ານ ສະໂປນ,ນາໄຊ ແລະ ກະຊະໃຫຍ່. ຮ່ວມກັບຂະແໜງການທີ່ກ່ຽວຂ້ອງ. ການລົງເຄື່ອນໄຫວຄັ້ງນີ້ ຈຸດປະສົງເພື່ອ ເຜີຍແຜ່ເອກະສານ ຄຳແນະນຳ ເລກທີ 10/ພນ ລົງວັນທີ 24ສິງຫາ 2016 ກ່ຽວກັບການສ້າງລະບຽບບ້ານ. ການລົງເຄື່ອນໄຫວດັ່ງກ່າວ ໂດຍການເປັນປະທານ ຂອງທ່ານ ທຶງ ຈອມມະນີ ຄະນະປະຈຳພັກແຂວງ ເລຂາພັກ ເຈົ້າເມືອງໆສາລະວັນ ພ້ອມມີບັນດາຂະແໜງການທີ່ກ່ຽວຂ້ອງ ພະນັກງານນຳພາ – ຄຸ້ມຄອງ ທີ່ລົງຊ່ວຍບ້ານ

ມີອົງການປົກຄອງບ້ານ ແລະ ພໍ່ແມ່ປະຊາຊົນທັງສາມບ້ານ ເຂົ້າຮ່ວມທັງໝົດ 129 ຄົນ,ຍິງ 70 ຄົນ. ກອງປະຊຸມດັ່ງກ່າວ ຫ້ອງການພາຍໃນເມືອງຂຶ້ນຜ່ານເນື້ອໃນຄຳແນະນຳ ເລກທີ 10/ພນ ແລະ ເອກກະສານຮ່າງລະບຽບບ້ານ,ພ້ອມນັ້ນກອງປະຊຸມໄດ້ແລກປ່ຽນບົດຮຽນຢ່າງກົງໄປກົງມາ ແລະ ຕົກລົງເປັນເອກພາບກັນໃນການຈັດຕັ້ງປະຕິບັດຕໍ່ໄປ..ໃນທ້າຍກອງປະຊຸມເຈົ້າເມືອງໄດ້ມອບເງິນຈຳນວນໜື່ງໃຫ້ໜ່ວຍພັກຂອງບ້ານເພື່ອເປັນກອງທຶນ

Leave a Reply

Your email address will not be published. Required fields are marked *